شعرکده

یاشیل

یاشیل...

مندن چوخ اوزاق بیر یئرده یاشاییر

ائله کی

مین کره بئله چالیشسام

اللریم الینه توخونماز.

آخی من اوزوم

قارانلیقدان چوکموش بیر داملایام

من سیاه بیر گئجه نین یادگاریام.

ائله دی

منده کی منلیک قارانلیقدان چوکوب

نه قدر ایسته سمده بو قارانلیقی سیله بیلمرم

بو قارانلیقی یوخ ائتمک اوچون

منیم یوخ اولماقییم گرکدیر

من سیلینیب

یئنی دن یارانماق

یئنی دن بویانماق ایستییرم

آمما بو دفعه یاشیل اولماق

قارانلیقین آخیرینا چیخیب

و قارانلیقدا گیزلنیب یاتان حیاتیمی اویاتماق ایستییرم

بسدی بو قارانلیقدان چکدیگیم عذابلار

بسدی...

بو قدری منه یئتر

{ندا جهانگیرزاده}


برچسب‌ها: شعر ترکی
+ نوشته شده در  شنبه چهارم آذر 1391ساعت 23:4  توسط سینا  | 

اِستغاثه از علمدار کَربلا و گُريز به شهادت آن حَضرت

اِستغاثه از علمدار کَربلا و گُريز به شهادت آن حَضرت

نَه  دَردوز  اؤلسا   دیون   مَه لقا   اَبالفضله

ایکی    قؤلی    بدنیندن    جدا     اَبالفضله

اؤنون  قاپوسینا  هر  کیمسه   صدق  نیّتلن

گئده   جواب   آلاجاق  آند  اولا   اَبالفضله

گر  ایستیسن   که   توجّه   ائده   دعالروه

قالوب   دلونده   اولان   ذکر  یا    ابالفظله

دئسون خلوصیله گر  دردووی  ائدر  چاره

دیلّه    خلق   آرا    مشکل گشا   ابالفضله

محالدی  الی  بوش  سائلی  یولا   سالسین

چوخ آزدی  واژة   جود  و  سخا   ابالفضله

وئروب   فضائلی  کامل  اونا  خدای کریم

چاتوبدی   جود   و  کرم   هکذا   ابالفضله

سخا و جود و کرمده بدیلی یوخدی اونون

محالدور    بیری    همتا      تاپا    ابالفضله

وار  اعتقادی  اونون آدینه چوخ اَرمنی نون

مرید    اولوبلا      اولاردا     آقا    ابالفضله

فدا اولوم نه  فقط  من  اوزوم  اونون  آدینا

اولا    آتامدا    ؛   آنامدا     فدا    ابالفضله

مریضون اولسا  اگر اؤندان  ایسته  استشفا

دئ  عرض   حالووی   ای   بینوا   ابالفضله

گوزل طبیبدی هر  رشته ده  تخصّصی  وار

ایدوبدی    ویژه    توجّه    خدا    ابالفضله

طبیبه    دردی    دیللّر    دوانی    گوزدَللَّر

دئ   دردووی  اؤنا ؛ قالسون  دوا  ابالفضله

آقادا   ارزشه   باخ   زینیدن  دوشنده  یره

آچوب    قوجاقینی   خیرالنّساء     ابالفضله

دئدی وفالی بالام بو  یارالی  سینه مه  گل

آنون  وئرر  سینه سی  اوسته  جا  ابالفضله

گوروبدی   باشدان  ایاقه  یارالی   عبّاسین

پیمبرون   قیزی    ائتدی    دعا    ابالفضله

گؤروم باشون اوجا اؤلسون ایکی جهاندا بالا

دیوب  بو   سوزلری   غملی  آنا   ابالفضله

حسینه خاطر اوغول پیکرون قیزیل  قاندی

دگوب حسینه  گوره  چوخ   یارا  ابالفضله

وفالی  اوغلونا  زهرا  دعای   خیر   وئروب

بویوردی  :  بانوی   روز    جزا     ابالفضله

چاغیرحسینی ؛گَله قارداشون باشون اوسته

چتین  زمان   دیه  بیر  اوخشاما   ابالفضله

باخوبدی فاطمیه دولدی یاشلا قانلی گوزی

بهشتدور   دئدی     بو    کربلا     ابالفضله

همیشه آرزو ائدردیم  گورم  جمالوی  من

چاتوب   او   لحظة    بهجت فزا   ابالفضله

بو یاره لی   بدنیم   قوی  دوشه   قدم لروه

وجودون    آی  آنا   سایه   سالا   ابالفضله

باخوب آنا سؤزونه سسلیوب حُسینی غرض

دیوب  :  یتور    اوزوی   یا   اَخا   ابالفضله

آماندی تز گَل حسین مقتله آنامدا  گلوب

وئروبدی  فاطمه   قارداش   بَها    ابالفضله

چاتوبدی کامه ابالفضلون ایندی گل قارداش

ائدوبدی سوزلرینه نوکرون عمل  قارداش

گلوبدی  اوغلی  اُؤلن  شاه   قانلی   میدانه

گؤروبدی قارداشی  میداندا  غرقدور  قانه

آلوبدی  قارداشینن  باشینی  دیزی  اوسته

او   شاه   باشلادی   بیر   اوخشاما  غریبانه

فدا اولا دئدی : جانیم او قان دؤلان گوزوه

نجه  باخیم آتام  اؤغلی  اؤ  قانلی   مژگانه

آخوبدی قان یوزوه صورتون  قانا  بویانوب

نفوذ   ائدوبدی  او  قان  زلف  عنبر افشانه

گوز آچ دانیش منیلن قارداشون حسینم من

آماندی گل دله؛قارداش دِئ بو لب عطشانه

دیَردیم   اؤلمیا   بیر ساعتیم  منیم  سنسیز

دوزَنمرم    من   ابالفضل    درد     هجرانه

آچوبدی قانلی گوزون تشنه جان وئرن سقّا

تبسّم     ایلدی     مؤلاسینه    او     فرزانه

دیوبدی حمد ائدورم حقّه نذریم اولدی ادا

بجادی  فخر ائلسم  ایندی کون  و  امکانه

بو رتبه بسدی  منه  فاطمه  دیوبدی اوغول

اونا  اوغول اولا هرکیمسه فخر ائدر یا  نه؟

ایکیمجیسی باشیمی آلموسان دیزون اوسته

چاتوبدی  نوکر  آقا   گؤر  نه  اَرجِ  شایانه

اورگیمی ولی بیر غصّه چوخ سیخار قارداش

یانور   بو  یاره لی  قلبیم  منیم  او   جریانه

اؤدا بودور که سنی تک گورن زماندا عدو

جَری    اؤلار    سِپَهِ      اَهرمن     سلیمانه

قاریشدی قانه او دم گوزلرینده اشک تری

جمالینه   آخوب   اوخشاردی   نُقلِ   الوانه

گؤروب او حالی حسین یاندی یاره لی قلبی

یارا  دگوب  یارا  اوستن  او  قلب  سوزانه

یوزونی قویدی او قانلان بویانموش اعضایه

چکوبدی آه   توکوب  گؤز یاشی  یانا یانه

بویوردی خیمه لره من نجه  گئدیم ایندی

وئریم    اُلوم     خبرین    زینب    پریشانه

رقیّمه نه دیوم گر دئسه  نجولدی  عَموم ؟

دیوم  که   هاردا  قالوبدی  او  طفل  نالانه

دئسم شهید اولوب عبّاس نیلیَرگوره سن؟

گنه    پناه    آپاروم   مَن   خدای  سبحانه

باشینی قؤزادی گؤی سمتینه اؤ سرور دین

گوزونده  یاش ؛ ائلیوب  شکر ؛ حیّ  منّانه

دیوب حسینه اوزون صبر وئر بو غمده خدا

بیلورسن عشقی  چوخیدی  بو تشنه  قربانه

ولی    منیم   نئیم   اولسا   سنوندی  یا  الله

مطیعم   اَمرُوَه  ؛  پا بندم   عهد  و    پیمانه

وئروب  اَلَستیده  امضا   پیمبرون   نوه سی

که    خدمت   ایلیه   دینه ؛ کتابِ   قرآنه

یتیرمَه گه     باشا     پیمانین     اشتیاقيلن

حرم لریله   حسین   گلدی     بو    بیابانه

یولوندا  وئرموشم   عبّاس  و  اکبر و  قاسم

اسیر    اولار    حرمیمده    گروهِ    عُدوانه

دئدی  بو  سوزلری  اول  مستِ  بادة  اَزَلی

دوراندا  یِئردن  اَیاقه   بئلینده  قالدی  اَلی


شاعر: جعفری زاویه


برچسب‌ها: شعر محرم, شعر مذهبی, شعر ترکی
+ نوشته شده در  جمعه سوم آذر 1391ساعت 22:14  توسط سینا  | 

یتمیشم منصب عظمایه حسین نوکریم

قویمارام مکریله سوز نربانین آسمانا

هر کیمون همّتی وار حاجتی یوخ نردبانا

التفات ایلمرم سلطانا خاقانه خانا

بیر شهون نوکریم که آدی سیغماز جهانا

یتمیشم منصب عظمایه حسین نوکریم

آقامون عشقی منیم روحیمی بی­باک ایلیب

یوزومی بیر سوزومی بیر آدیمی پاک ایلیب

طبعیمی تیغ خطرساز و شررناک ایلیب

چوخ شقی­لر اورگین شعرلریم چاک ایلیب

 چوخ سوزوم اوخ ویریب اعدایه حسین نوکریم

کربلا عاشقیم خون و شهادت سسیم

بی­مدد پادشهین ملتمس بی­کسیم

نه مسیحم نه­ده­کی جنته خاطر اَسیم

باخمارام کوثره من چون که حسین تشنه­سیم

   تشنه­دور روحیم او مولایه حسین نوکریم

هر یوزه آی پاراسی هر گوزه شهلا دیمرم

لاشه­خور قوشلارا مرغان شکرخا دیمرم

پایمال اولسام اگر آلچاقااعلا دیمرم

معصیتدور بو دیمک یا ئولرم یا دیرم

  ویرمرم ناحقه پیرایه حسین نوکریم

نیلورم مرتبه و منصب و نام و لقبی

فضل اگر اولسا ایدر عالمه چوپانی نبی

شرف و شأن ویرر انسانا علم و ادبی

ورنه بیردور بشر اعجم و کلب عرب

عربی عشق و عجم پایه حسین نوکریم

فخر ایدر بلبل شیدا که گُله نغمه­گرم

لیک گلدن­ده گوزل وارمن اونا مفتخرم

سن دولان باغلاری بستانلاری ای اهل کرم

منده مولا آدینی هی یازارام هی اوپرم

    ایدرم فخر او مسمایه حسین نوکریم

او شه تشنه­دی شأنیم شرفیم منزلتیم

او شهون کپریگینه باغلادی جان و جهتیم

اودی عشقیم اودی مشقیم اودی ذات و صفتیم

بیر توکین ویرسم ایکی عالمه یوخ معرفتیم

  عارفم حسن دلارایه حسین نوکریم

او بیر انساندی که آی واله اولار صورتینه

آسمان خم ایلیب قدین اونون حرمتنه

چیخسا عیسی گُوُه­ده چاتماز اونون دولتنه

بیر گون ایکاش قویام صورتیمی تربتنه

 دِیَم ای شمس جنان سایه حسین نوکریم

او بیر انساندی که یرده گُوی مهمان ایلیر

بیر نظر سالسا گلستانی گلستان ایلیر

داشی گوهر اودی کوثر جسدی جان ایلیر

چاره­سیز دردون اگر اولسا او درمان ایلیر

  آگه اول سویله اطبایه حسین نوکریم

رتبه­سین بیلمز اونین بیلمسه کیم سرّ مگو

آدینی سویلَمَگه عاشقه واجبدی وضو

مولری اصلده عشق آیه­سیدی اسمده مو

وصف ایدر لبرینی فاطمه حلقومنی 

  دِیَرم منده او زیبایه حسین نوکریم

نه فقط بنده غلامم اوشه تشنه لبه

جبرئیلون جانی نوکردی او معنا نسبه

بیرده باخ ماه بنی هاشم او شیر عربه

گور نجه اَلده امان­نامه گلن بی­ادبه

دیور ای رذلِ فرومایه حسین نوکریم

 

حسين نوكريم- استاد شاهي اردبيلي


برچسب‌ها: شعر محرم, شعر مذهبی, شعر ترکی
+ نوشته شده در  چهارشنبه بیست و چهارم آبان 1391ساعت 11:34  توسط سینا  | 

منه هر شئی آغیر گلیر

منه هر شیء آغیر گلیر

یئر اوزونده بیتن چیچک

یئر ایچینده اوزون كؤهول

                               یئر اؤزوده آغیر گلیر

باخ – باخ گلن گئن یوللارا

سوسوز و آج ناخیر گلیر

کؤرپه لري هئچ مه له میر

                             ناخیرچی دا آغیر گلیر

باخ – باخ گئدن دار یوللارا

آج گلنلر لوت قاییدیر

کؤرپه لرین هئچ دیلی یوخ

                            دیلده منه آغیر گلیر

داغین اوجو باتیب گؤیه

زیروه‌سین ده بولوت سارمیش

ایشلر دوزه لمیش او باشدا

                          یاغیش منه آغیر گلیر

اوزوملویون دؤورو حاصار

سالخیملاری قاطار قاطار

کئشمیش لرین بایدایا سال

                         چاخیر منه آغیر گلیر

هر شیء منه آغیر گلیر

ناخیر گلیر کؤرپه گلیر

دولو ایسه یاغیش گلیر

چاخیر گلیر

آتانلاردا آتیر گلیر

چوخلو اؤزون ساتیر گلیر

                         ساتماق منه آغیر گلیر


برچسب‌ها: شعر ترکی
+ نوشته شده در  چهارشنبه بیست و چهارم آبان 1391ساعت 11:32  توسط سینا  | 

سئچيليميش: گؤي اوزو داش ساخلاماز پيتيكدن (كيتابدان)

سئچيليميش: گؤي اوزو داش ساخلاماز پيتيكدن (كيتابدان)

                                                               اردشير روستمي و زهرا قيطراني

Seçilmiş : Göy üzü daş saxlamaz pitikdən

                                Ərdəşir rustəmi və zəhra qeytərani

چيچك‌لر دوغولور بو ياز گئجه‌سي

Çiçəklər doğulur bu yaz gecəsı

چيچك‌لر دوغولور بو ياز گئجه‌سي

بو ياز گئجه‌سينده سئومه‌يه نه وار؟!

Çiçəklər doğulur bu yaz gecəsı

Bu yaz gecəsində sevməyə nə var?

درسم گول‌لريني بو گلن يازين

ساللانيب يئلله‌نسم بوداق‌لاريندان

ائشيتسم آديمي سئون بير قيزين

هله اؤپولمه‌ميش دوداق‌لاريندان

بو ياز گئجه‌سينده اؤلمه‌يه نه وار؟!

Dərsəm güllərini bu gələn yazın

Sallanib yellənsəm budaqlarından

Eşitsəm adımı sevən bir qızın

Hələ öpülməmiş dodaqlarından

Bu yaz gecəsində ölməyə nə var?

 

... چيچك‌لر دوغولور بو ياز گئجه‌سي

اوزاق خسته‌خانا اوتاق‌لاريندا

باشيني ديبچكدن اوزاديب باخير

ياتان خسته‌لرين هر بيريسينه

هله قورخاق عطري اوتانجاق عطري

قاريشير اوتاغين ياد اييي‌سينه

درمان اييي‌سينه يود اييي‌سينه

… Çiçəklər doğulur bu yaz gecəsı

        Uzaq xəstəxana otaqlarında

        Başını dibçəkdən uzadıb baxır

       Yatan xastələrin hər birisinə

       Hələ qorxaq ətiri utancaq ətiri

       Qarışır otağın yad iyisinə (insisinə)

چيچكلر دوغولور بو ياز گئجه‌سي

چيچكلر آچيلير گولـله سسينه

گولـله آچيلير

آغ –آغ كؤينك‌لرين ياخاليغيندا

ساغ –سول اورك‌لرين ياخين‌ليغيندا

گولـلر آچيلير

گولـله‌لر آچيلير ، گول‌لر آچيلير

چيچك‌لر آچيلير بو ياز گئجه‌سي ...

Çiçəklər doğulur bu yaz gecəsı

Çiçəklər açilir güllə səsinə

Güllə açılır

AĞ Ağ köynəklərin yaxalığında

Sağ sol ürəklərin yaxınlığında

Güllələr açılır ،güllər açılır

Çiçəklər doğulur bu yaz gecəsı …

چيچك‌لر دوغولور بو ياز گئجه‌سي

پاريس‌ده

تبريزده

حَيه‌طيميزده

بو ياز گئجه‌سينده چيچك‌له‌يه‌جك

بلكه درديميزده حسرتيميزده

Çiçəklər doğulur bu yaz gecəsı

Parısdə

Təbrizdə

Həyətimizdə

Bu yaz gecəsində çiçəkləyəcək

Bəlkə dərdimizdə ،həsrətimizdə

چيخاجاق يول‌لارا چيچكلي قيزلار

نه باخماغا گوج وار نه گؤز يومماغا

نه چيچك وئرمه‌يه بير كسيميز وار

نه بير كيمسه‌ميز وار چيچك‌ اومماغا ...

Çıxacaq yollara çiçəkli qızlar

Nə bazmağa güc var nə göz yummağa

Nə çiçək verməyə bir kəsimiz var

Nə bir kimsəmiz var çiçək ummağa …

... درسم گول‌لريني بو گلن يازين

ساللانيب يئلله‌نسم بوداق‌لاريندان

ائشيتسم آديمي سئون بير قيزين

هله اؤپولمه‌ميش دوداق‌لاريندان

بو ياز گئجه‌سينده

اؤلمه‌يه نه وار؟!

… Dərsəm güllərin bu gələn yazın

       Sallanib yellənsəm budaqlarından

        Eşitsəm adımı sevən bir qızın

       Hələ öpülməmiş dodaqlarından

       Bu yaz gecəsində

                                     ölməyə nə var?


برچسب‌ها: شعر ترکی
+ نوشته شده در  چهارشنبه بیست و چهارم آبان 1391ساعت 11:29  توسط سینا  | 

دیلیم یالقیز

بو شعری بوتون سارای عصمت ده و حیالی تورک قیزلارینا اتحاف ائدیرم...

**یاشاسین آذربایجان**

دیلیم یالقیز ، دیلیم یالقیزدیر آی قیز

اوغول شیرین ولی قیز بالدیر آی قیز

آماندیر اوزاق دورما تورکون دیلیندن

اوکی اصلین دانار کال قیزدیر آی قیز

 

بیزیم تورکون دیلی گول دن ظریف دیر

بوتون دیللر دال اولسا بو الیف دیر

ادب ده علم ده هر بیر هونرده

سیز آللاه تورکلره کیم لر حریف دیر

 

وارلیقدا بوتون وار یوخوموز شعر و غزل دیر

هر بیر غزلی اللی آرا تورکه مثل دیر

من جعفری ام سؤز یازارام تورکو دیلینده

تورکون بالاسی تورک اولا عالمده گؤزل دیر


برچسب‌ها: جعفری, شعرکده, شعر آذری, شعر ترکی
+ نوشته شده در  چهارشنبه بیست و چهارم آبان 1391ساعت 11:26  توسط سینا  | 

بیلمیرم گئدیم یا گئتمه ییم

گلجك قوناق چاغيرير

بیلمیرم

گئدیم

یاگئتمه یم

قیزیل قفسده آزادلیق ماهنیسین اوخویان قوشلاری

یول اوستونده كي

اوره کلر دعا ائدیر

بیلمیرم

آمین دئییم

یا دئمه ییم

قاپالی کوچه لرده

دیوارلار یازیلير

عشق نه دئمکدیر بوش بیر خیال

سونو نه دیر قارا توپراق

بیلمیرم

اوخویوم

یااوخوماییم

قونشوموزدا

عدالت اولومونه آغلاشما وار

بیلمیرم

قولاقلاریما نه دئییم

ائشیت سینلر

یا ائشیت مسینلر



وبلاگ: هویت


برچسب‌ها: شعر ترکی
+ نوشته شده در  جمعه سیزدهم مرداد 1391ساعت 17:53  توسط سینا  | 

عاشیق دل‌خسته گؤر دلداره دؤندرمیش یوزون

عاشیق دل‌خسته گؤر دلداره دؤندرمیش یوزون

عالمی ترک ائیله‌میش اول یاره دؤندرمیش یوزون

حاش‌لله کیم، کؤنول یوزون قاپوندن دؤندره

بولبول بیچاره دور گولزاره دؤندرمیش یوزون

دؤندریب زاهد یوزون محرابه، هر دم یاش تؤکر

عاشیقون دیواری یوخ، دیداره دؤندرمیش یوزون

یاره دؤندرمیش یوزون گؤرگج رقیبه سؤیله‌دوم

اول گول خندانی گؤرکیم، خاره دؤندرمیش یوزون

دنیادا مقصودینه هر کیمسه یوزون دؤنده‌رور

بو «خطایی»! سن بت عیّاره دؤندرمیش یوزون

شاه اسمعیل صفوی(خطایی)


برچسب‌ها: شعر ترکی
+ نوشته شده در  جمعه سیزدهم مرداد 1391ساعت 17:46  توسط سینا  | 

در تولّد امام حسن مجتبي(ع) (تُرکی)

               در تولّد امام حسن مجتبي(ع)                          (تُرکی)

 

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

یِر اوسته  مُعجزه  ایجاد ائدَر  خُدا  بو  گئجَه

قَدَم  جهانه  قویار سِبْطِ  مُصطفیا   بو  گئجَه

خُدای     سَرمَده    سجده   اَبو  تُراب   اِئلیَر

رسول    حَقّ   اِئدَر   آللّهینه   ثَنا   بو   گئجَه

سئویندیرَر    آتاسین    گَلمَگیلَه   بو   مولود

اونیلا   فخر   ائدَر   البتَّه   مرتضیا  بو  گئجَه

آدی  حَسَن  قویولار  حُسن  غِبطه   اِیلر  اونا

اِئدَر   خَلایقی    مَسرور    مُجتبیا   بو  گئجَه

مقامِ   حِلمیدَه   یوخدور   تایی  بو  مولودین

صَبوردور ؛ اونا  مین لَرجَه   مَرحَبا  بو  گئجَه

سِئویندیریبدی   بو   مولود    فاطمه  آناسین

گورور   سِئوینمَگینی   حَیِّ   کبریا  بو  گئجَه

گَلوب    بیر   عدَّه   فرشته  ؛  بتول  خدمَتینَه

دیوللَّه حق سنه بیر گُل اِئدوب عَطا بو گئجَه

سنی  چوخ   ایستیور  اللهِ  ذوالجلال  ؛  خانیم

اِئدوب  ایکیمجی  اِمامه  سَنی  آنا  بو  گئجَه

گؤیون  ملَک لَری  ایچره  غریبه  منظره  وار

سُرور  و   هلهله   بَرپادی  ؛  بَرمَلا  بو  گئجَه

بهشت رایحه سی یر  یوزون  دوتوب  یکسر

عجب  مُعَطَّر اولوب  اِی خُدا ؛ فضا  بو  گئجَه

فدا   اولوم   آدینا   حَلِّ   مُشکل   اِیلَر  آدی

وار   اِعتقادیم  اِئدَر  دَردیمَه  دوا   بو  گئجَه

گئچوب اروجلوقون اؤن دؤردی گَلدی دنیایَه

اُروج   دوتانلار    اولا   آدینَه   فدا  بو  گئجَه

کریم دور  آقا  ؛  شیعه  اونی  کَرَم لی  تانور

صَفَه دوروب قاپی سیندا  اونون گدا  بو گئجَه

اؤزیندَن  ایسته  صِلَه (( جعفری )) بو  مولودین

بَسوندی وئرسَه  اَگَر  شِعرُووَه  بَها  بو  گئجَه

ـــــــــــــــــــــــــــــــــــــــــــــــ

تهران ؛ ((دوشنببه25شهريورماه1387شمسی)) برابر با (15رمضان1429قمری) روز میلاد امام حسن (ع)


برچسب‌ها: شعر ترکی, شعر فارسی, شعر مذهبی
+ نوشته شده در  جمعه سیزدهم مرداد 1391ساعت 17:44  توسط سینا  | 

در تولّد امام حسن مجتبي(ع) (فارسی)

           در تولّد امام حسن مجتبي(ع)                    (فارسی)

 

ـــــــــــــــــــــــــــــــــــــــــــ

امشب  ؛  شب   ولادت   فرزند  حيدر  است

آن كس كه  بر رسول خدا  سِبْطِ  اَكبر است

شخصي كه نام اوست حَسَن ؛ خلق  او حَسَن

در  حُسْنْ  هَم تَراز   به  جَدّش  پيمبَر  است

در بذل و جود و بخشش و حِلم و  شكيب او

بي مِثل و بي بَدَل بوَد ؛ از  ديگران  سَر است

جانم   فدای   صبر  و  شکیبش  که  صبرِ  او

بر  جان  اَثر  گذارَد  و  با   جان  برابَر است

آئينه ايست   او    به    جمال    جميل    حق

گويم ؛ گزافه نيست ؛ كه مِرآتِ  داوَر  است

در خامه نيست قدرت  وصف  حَسَن  كه  او

بر   جلوة    جمال    خداوند    مظهَر    است

عدلش عدالت حق و  حُسنش  چو  حُسنِ  او

زان روست او به خلق  خداجوي  دلبَر  است

هر  کلمه  از  کلام  حَسَن  حِکمَتیست   ناب

گفتارِ  نغزِ   حضرت  او  دُرِّ   و  گوهَر  است

باید   به   گفته های   رسایش   عمل   کنیم

افسوس گوش خلق  به  گفتار  او  کَر  است

هرگز   مگو   که   صُلحِ   حَسَن   با   معاویه

اَز   نهضتِ   برادر   خود   ذرّه   کمتَر  است

شد   صلحِ    او    مقدّمۀ     نهضت    حُسَیْنْ

روز   شهادتِ   حَسَن  ؛  عاشورِ  دیگَر  است

تابوتِ       او     زِ     تیرِ      عِنادِ     مُنافقان

حاشا توان  نوشت ؛ چه شد ؟رقَّت آوَر است

در  حشر  گر   طلب   كنم   از  او   شفاعتي

بيهوده  نيست ؛  او  ز  كريمان  محشَر  است

گَر   طالبی   به  جُرعۀ   کوثر  تو  (( جعفری ))

او   نورِ   چشمِ  حضرتِ   ساقیِّ  کوثَر  است

ــــــــــــــــــــــــــــــــــــــــــــ

تهران ؛ تهرانپارس ؛ سه شنبه 10/5/1391 ؛ جعفری زاویه


برچسب‌ها: شعر ترکی, شعر فارسی, شعر مذهبی
+ نوشته شده در  جمعه سیزدهم مرداد 1391ساعت 17:43  توسط سینا  | 

توکُّل بَر خدا

توکُّل  بَر خدا

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــ

دلا   دیوانه   بازی   را  رها   کُن                به سختی ها  توکُّل  بَر  خُدا  کُن

خدا   را   ناظر  اعمال   خود  دان               از او غافل مشو یک آن ؛ حیا کن

تُرا می بیند او شکّی در آن نیست                صداقت پیشه کُن ؛ کمتر ریا کُن

ریاکاری   نباشد   شرط   اِنصاف                حسابت   از   ریاکاران  جدا  کُن

مَشو  نزدیک  بر  بُهتان  و  غیبت               تو  پرهیز  از  دروغ  و  اِفترا   کُن

عمل   بنما  به  پیمانی  که  بستی               به هر عهدی که بنمودی ؛ وفا کُن

به دنیا دل مبند ؛ از آن  حَذَر کُن               به    دامادِ    پیمبر    اقتدا     کُن

به دنیا گفت : طَلَّقْتُ ؛ نَه یک بار                سه بار ؛ اَکنون تو هم دِینَت اَدا کُن

به زَرق و برقِ دنیا خوش مَکُن دل                خودت را فارغ از این ماجرا  کُن

بلا    باشد    تکبُّر    نیک    دانی               شب و روز اِحتراز از این  بلا  کُن

نمک بَر زخم  هم  نوعت  مَپاشی                توانستی   اگر  دَردش   دَوا   کُن

اگر  مَرهَم  شدی  بَر زخم  مردُم               تو آنگَه خویش را انسان صدا کُن

بکُش  در  خویشتن  نفسِ  بَهیمی                مسِ دل کیمیا  می زن ؛ طلا  کُن

به هر دَم ((جعفری)) یادِ خدا  باش

تو هم نوعان خود را  هم  دعا کُن

ـــــــــــــــــــــــــــــــــــــ

تهران ؛ تهرانپارس ؛ سه شنبه 3/5/1391 ؛ جعفری زاویه


برچسب‌ها: شعر ترکی, شعر فارسی
+ نوشته شده در  جمعه سیزدهم مرداد 1391ساعت 17:42  توسط سینا  | 

شهید عشق اولوب فیض بقا کسب ائیله مک خوشدور

اگرچه ایینه تک کئچدیم جهانین جمله وارین دن

هنوز آردیمجادیر قید تعلق، زلف تارین دن

شهید عشق اولوب فیض بقا کسب ائیله مک خوشدور

نه حاصیل بیوفا دهرین، حیات مستعارین دن

حباب اشک و آه پرشرر، قیلمیش منی فارغ

جهانین قصر سیم اندود و کاخ زرنگارین دن

گورونمز صورت امید وصلین، لوح جانیم ده

مکدر دیر مگر اول آینه، جسمیم غبارین دن

اوزانیر رشته، طول امل، دیدار ذوق ایله

خم آچیلدیقجا، اول گلچهره زلف تابدارین دن

سنه دیر اقتداسی طواف کوی لیلی ائتمکده

خس وخارین قوپار ای ناقه، مجنون رهگذارین دن

"فضولی" دن، ملامت احترازین ایسته ین گویا

دئییل واقف، دل سوزان و چشم اشکباریم دن

حکیم فضولی


برچسب‌ها: شعر ترکی, شعر آذری
+ نوشته شده در  چهارشنبه یازدهم مرداد 1391ساعت 11:56  توسط سینا  | 

آی چیخدی

آي  چيخدي  هاله سين  اوزه  گورستي  تازه دن

قالديم  اوز  آي  تك  عشقيمه حيران غريب غريب

آسلاندي   نوري    زلفي    پريشان   نگاري   تك

كونلوم   داريخدي  حسرت  و  نالان  غريب غريب

گويدن  دريبدي   خوشه  پروين   گولون   كيمه؟

گويا  عروسه  دسته   گول   الوان  غريب غريب

آي.  سن  بو عشقيله  مني  حيرانه قويموسان

روحوم  اوچوب  او   گويلره   طرلان  غريب غريب

بير اوچي  تك اوز عشقيمي  چكديم شكاره من

يان دوشدي سينه دن قوزو جيران غريب غريب

ايندي  قاليبدي  سينه ده   كونلوم  تك.  آرزولي

آرزوم  گله   اورك  كسه  قوربان   غريب  غريب

آي جيرانيم  نه داغلاري  حيران   دولانميسان؟

گل  سينه مه  قوتارگينان  هجران غريب غريب

پاييز   سيزيلديير   يئنه    اوز   يارين    آختارير

هجرينده  جان وئرير  داها  جانان  غريب غريب....

پاييز


برچسب‌ها: شعر ترکی
+ نوشته شده در  چهارشنبه یازدهم مرداد 1391ساعت 11:54  توسط سینا  | 

بیر ائلی بوراندا قاردا چکه جم

بیر ائلی بوراندا قاردا چکه جم


بیر ائلی بوراندا قاردا چکه جم                بیر ائلی باهاردا واردا چکه جم

بیر شکیل چکه جم گوزگیله سینه             آرزیلار دوزوله سیل سیله سینه

بیر باهار سالاجام قیش چیله سینه             بیر لالا خونچاسین قاردا چکه جم

بیر داغی چکه جم دومان ایچینده             بیر یاخشی بیتره م یامان ایچینده

بیر حققی دوغرولدام گومان ایچینده          شاختادا بیر آغاج باردا چکه جم

بیر سئلی چکه جم سارا قوینوندا              بیر ائلی یاردیم سیز یارا قوینوندا

بیر دیلی دیلچک سیز داردا چکه جم         تیکیلی بیر آغیز چکه جم بوما

بیر درین باخیش کی فیکیره جوما            یوللایام شکیلین تهرانا قوما

   بیر ائلین یوخلوقون واردا چکه جم           بیر ایشیق چکه جم اوزاقدان آتیب

 بیر دنیز چکه جم دنیزه باتیب                 بیر ائلی چکه جم مین ایلدی یاتیب

وارلیغین بیلمیره م هاردا چکه جم            نیله ییم دیل سیز بیر باش چکه نمیرم

ائلیمین گوزونده یاش چکه نمیرم             بو ائلین ماهنی سین تاردا چکه جم

                             ائلیمی باهاردا واردا چکه جم

( هوشنگ جعفری زنگانلی )


برچسب‌ها: شعر ترکی, شعرآذری
+ نوشته شده در  چهارشنبه یازدهم مرداد 1391ساعت 11:51  توسط سینا  | 

یاشیل پرچم


وار حرمتی نصب اولسا هر یانه یاشیل پرچم


منسوبیدی سقای عطشانه  یاشیل پرچم


ماهیت هر قومی ایلر بیر علم  اعلان


قرمز علم هر یرده اسدیقجا دیر  قان قان


اول پرچم حسینیدور عاشقلریچون عنوان


اما علم سبزی عباس  اوجادوب  یاران


پیراهن فاخردور قرآنه یاشیل پرچم


کیم اولسا پناهنده بو سبز علم آلتیندا


سینماز کمری هرگز بار الم آلتیندا


اولسون گرک عشق اهلی تپراق قدم آلتیندا


آزاده ذلیل اولماز تیغ آلتیندا


عزت وئرر احرار دورانه یاشیل پرچم


وار هاردا حسینیه عیاس آدیدا واردی


جان روحیدن آیریلماز تا ارض و سما واردی


هر یرده یاشیل گورسن یانینده قرا واردی


بین  بو ایکی قارداش بیر ئوزگه صفا واردی


یول گورسدر عشاق نالانه یاشیل پرچم


کیم دلدن اولان واقف گر منصب عباسه


پیوسته نماز اوسته ذکر شب عباسه


معناده وورار بوسه پای و لب عباسه


گئتمه در اغیاره گل موکب عباسه


قورخما یتورر دردین درمانه یاشیل پرچم


اسلام علمین بیر گون عباس آلینه آلدی


نه جان یادینا دئشدی نه گوز هاینا قالدی


قوللار کسیلوب سانما روحیه سی سستالدی


سو فکری حسین دردی سرداری یره سالدی


دوشدی دئدی گل مولا میدانه یاشیل پرچم


تا پرچم الیمدیدی دشمنلر اوزاقدیدی


ال گئتدی ولی پرچم سینمده قوجاقدیدی


دندانه آلوب مشگی جان تشنه دوداقدیدی


شمشیر آتا بیلمزدی هر کس که قباقیدی


وحشت سالوب اسدیقجا مین جانه یاشیل پرچم


اما امان اول وقتدن جرئت گلوب اشراره


پرچم ائلدی لنگر دوشدوم غم دشواره


گل آل علمون قارداش یاس ساخا علمداره


آز قالدی فرات اوسته زهرا گله دیداره


یاتدی باشیمی سالدی طوفانه یاشیل پرچم


ال گئتسه ده پرچمدار ساخلار علم جنگی


ای سرور مظلومان درک ایله بو سرهنگی


باخ پرچمه قانیمله قرمزدی یاشیل رنگی


آئینه ی غیرتدن سیدیم لکه ننگی


شاهددی تجلای عرفانه یاشیل پرچم


ای صاحب پرچم گل عباسی یتور کامه


قویما علم قرآن دوشسون ید ظلامه


ایستور بونی غارتگر سوغات آپارا شامه


من گرچه الیم یوخدی سرلشگرم اسلامه


قویمام یتیشه دست عدوانه یاشیل پرچم


بیر عمر گرک زینب مانوس فغان اولسون


قانلی علمی آلسون گر قیمتی جان اولسون


گئتسون وطنه یار نسوان زمان اولسون


هر یرده عزا دوتسا مندنده نشان اولسون


ائتسون نبوی شهرین غمخانه یاشیل پرچم


یاز نوحه(کلامی) چون فرصت ائله بو دمدی


دللرده اولان شعرون گرچه قره پرچمدی


اما بو یاشیل پرچم سانما قره دن کمدی


وار نسبتی عباسه پس قدری مکرمدی


باش قوزیوب ایوان کیوانه یاشیل پرچم

شعر از : استاد کلامی زنجانی


برچسب‌ها: شعر ترکی, شعر مذهبی
+ نوشته شده در  جمعه ششم مرداد 1391ساعت 12:30  توسط سینا  | 

ائله اوتانیرام...

                                             

بیرگون قاباغیمی کـسه جـک اؤلــوم

ذره جـه عیـنـیـمه گلـمیراؤلـمه یـــیـم

ائـلـه اوتـانـیـرام گلــسن گــــولـــــوم

سنـــیــن آیــاغـینـــا دورا بیلمــــه یم

               * * *

نامردیر اؤلومدن اوشه نیب قورخان

بیــر شربت ندیر کی ایچه بیـلمـه یم

ائـلـه اوتـانـیـرام عـــادی یــاغـیشدان

سـنـین گـؤز یاشینـی سئچه بیلـمه یم

                 * * *

ائـلــه اوتـانـیرام گلـیب - گـئـده سـن

سـنــیـن گـلیشینی دویــا بیـلــــمه یم!

اوستـومـه سـپدیگیـن چیچکلـری من

گــؤزومـون اوستـونـه قویا بیلمه یم!

                * * *

ائـــلـه اوتـانــیرام، اوتـانـــیـرام مـن

آییــــلام کـؤنـلـونــو آلا بــــیـلمـه یم!

دردیـــم تـــزه لــنه خـجـالـتـیــمـــدن

اؤلمک ایـستـه یم من، اؤله بیلمه یم!

                   شاهمار اکبرزاده


برچسب‌ها: شعر ترکی, شعر آذری
+ نوشته شده در  پنجشنبه پنجم مرداد 1391ساعت 14:41  توسط سینا  | 

اروشلوق آیی

گینه گلدی رمضان هامی مسلمان اولاجاق

دین اسلام اوجالوب خلق نماز خوان اولاجاق

گله جق غیرتده فاسق، اولاجاق اهل تمیز

ایتدیقی معصیته جمـــــــله پشیمــان اولاجاق

بیر محرمده چخوب شاهقلی بو مسجد دن

بیر ده بو آیده گلــــوب داخـل ایوان اولاجاق

روزه سین میل ایلینلر چیخاجاقلار سفـره

ایله بیر هاموسی زوار خـــراسان اولاجاق

او آداملار که ایدوب میلته چوخ جور و ستم

هاموسی بیر گئجه ده قاری قرآن اولاجاق

هیچ گناه اولماسا بسدور بیزه بو صوم وصلاه

قبر ایچینده بیزه او حائیل سوزان اولاجاق



شعر: کریمی



برگرفته از وبلاگ:آذری دیل



برچسب‌ها: شعر ترکی, شعر مذهبی
+ نوشته شده در  سه شنبه سوم مرداد 1391ساعت 17:26  توسط سینا  | 

مست اولدو دیوان تیتره‌دی

ازدیلر پهلوی عشقی دورمه‌دی جان تیتره‌دی

فاطمه تا آخ دئدی دین اسدی ایمان تیتره‌دی

معجرین آلدی اله داده چاغیرسین آللهی

اَل گویه قوزانامیش مسجیدده ارکان تیتره‌دی

رنگی سولموش گوللرین‌نن اَل چکنده فاطمه

یئل گیجه‌لندی نوایه گلدی طوفان تیتره‌دی

زینبین نیسگیل‌لرین ییغمیشدی یاره قلبینه

یاره‌لی گئتدی قالیب زینب هراسان تیتره‌دی

گئتدی مولا تیکیه‌گاهی یئر گؤیو ماتم توتوب

مظلوم اؤلدو فاطمه تاریخده عصیان تیتره‌دی

هر سازین بیر سوزی وار هر عاشقین بیر معشوقی

سسله‌دیم یا فاطمه مست اولدو دیوان تیتره‌دی

شاعیر: شریفه جعفری



برگرفته از وبلاگ : اشعار ترکی   و فارسی در تاریخ 03/05/1391


برچسب‌ها: شعر ترکی, شعر آذری
+ نوشته شده در  سه شنبه سوم مرداد 1391ساعت 17:3  توسط سینا  | 

آذر قیزی

ائلیمین اوبامین سازینا بندم

ظولمه باش اَیمی‌ین قئزینا بندم

گورمه‌لی قئشینا یازینا بندم

الدوزلار ایچینده دان اولدوزویام

افتخاریم بو دور آذر قئزییام

      

بینامی قویوبدور عشقیله آنام

اویره‌دیب ائلی مین دردینه یانام

اولکه‌می عزتیم شرفیم سانام

الدوزلار ایچینده دان اولدوزویام

افتخاریم بو دور آذر قئزییام

        

کوکومو قازمالار، قورودا بیلمز

اوزگه‌لر دیلیمی اونودا بیلمز

سوزو دوشونمی‌ین، بونودا بیلمز

اولدوزلار ایچینده دان اولدوزیام

افتخاریم بو دور آذر قئزییام

      

قوربانام آدینا آذربایجانین

یورغون اولادینا آذربایجانین

ائل چاتسین دادینا آذربایجانین

الدوزلار ایچینده دان اولدوزویام

افتخاریم بو دور آذر قئزییام

شاعیر: شریفه جعفری


برگرفته ازوبلاگ: اشعار ترکی و فارسی


برچسب‌ها: شعر ترکی, شعر آذری
+ نوشته شده در  سه شنبه سوم مرداد 1391ساعت 17:0  توسط سینا  | 

مَهدیا بیا دیگر

 

دِلْ شدْ اَزْ فراقتْ خونْ؛ مَهدیا بیا دیگَرْ

گشتهْ  واله  و   مفتونْ ؛ مَهدیا بیا دیگَرْ

رازِ دِل به دِل  مَکنونْ ؛ مَهدیا بیا دیگَرْ

شُد سِرِشکِ مَن جیحونْ ؛ مَهدیا بیا دیگَرْ

می شَوَد   غَمَم  اَفزونْ ؛ مَهدیا بیا دیگَرْ

تا به کی بنالَد دِل  اَز  فراقتْ  اِی  مَوْلا

می کُشَد  مَرا  آخر  اِشتیاقَتْ  اِی  مَوْلا

صَبرگَشته هَم سَبک و هَمْ سَیاقتْ اِی مَوْلا

رَفته از کَفَم دیگَر صَبر و طاقَتْ اِی مَوْلا

تا بِه کِی شَوَم مَحزونْ ؛ مَهدیا بیا دیگرْ

گُفته اَند   آدینه   رُخ   کُنی  نمایان تو

می کُنی سِتَمگَر را  عاقبَت  پَشیمان تو

روحِ مَن تویی مَوْلا؛دَر بَدَن مَرا جان تو

عَبدِ صالحِ حَقّی ؛ فَخرِ  هَر  مُسَلمان تو

بِشنو این سُخَنْ اَکنونْ ؛ مَهدیا بیا دیگرْ

عاقبت  بیایی تو  باشَد آن  یَقین بَر مَنْ

گُفته این حَقیقت را عالِمانِ دین بَر مَنْ

ریشخَندها گاهی کَرده اَهلِ کین بَر مَنْ

مُدَّعی زَنَد طَعنه؛گویَد این چُنین بَر مَنْ

گَشتهْ ((جعفریْ))  مَجنونْ ؛ مَهدیا بیا دیگَرْ

تهران ؛ قنات کوثر ؛ پنجشنبه ۲۰ مهرماه ۱۳۸۵


برچسب‌ها: شعر مذهبی, شعر ترکی, شعر فارسی
+ نوشته شده در  سه شنبه سوم مرداد 1391ساعت 16:49  توسط سینا  | 

دَوایِ دَردِ ما

 دَوایِ دَردِ ما

 

ــــــــــــــــــــــــــــــــــ

روزی از روزهاست آمَدَنش                                بَـر دلِ مـا جَلاست آمَدَنَش

عـاقبت آن سَـوار  می آیـد                                وَعده ای اَز خُداست آمَدَنَش

گرچـه بیمارِ هجرِ او هَستیم                                دردِ مــا را دَواست آمَدَنَش

یـابـَد این اِنتظـارِ مـا پایان                                شـادیِ قلبِ ماست آمَدَنَش

ظُلم بیداد می کُـنَـد زان رو                                حَـتـم دارَم رَواست آمَدَنَش

دارم اُمّـیـــد بینَمَش روزی                                نَـه فَـقَـط اِدِّعاست آمَدَنَش

گر شوم کور اَز غَمِ هجرش                                دیـده را روشناست آمَدَنَش

شیعـه را اِفتـخـار می باشد                                فَـخـرِ اَهـلِ ولاست آمَدَنَش

وارثِ ذوالـفـقـار مـی آیـد                                چشم ها را ضیاست آمَدَنَش

هَمچو جَدَّش عَلی بُوَد عادِل                                عَـدلِ او را بَقـاست آمَدَنَش

بَر  ظُهورَش دُعا  کُنیم  هَمه                                حاصلِ    رَبَّناست    آمَدَنَش

دَر دُعا((جعفری))بِه گِریِه بگو

بار اِلـهـا ؛ سزاست آمَدَنَش

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

تهران ؛ قنات کوثَر ؛ چهارشنبه ۲۶/۴/۱۳۸۶ ؛ جعفری


برچسب‌ها: شعر ترکی, شعر فارسی
+ نوشته شده در  سه شنبه سوم مرداد 1391ساعت 16:47  توسط سینا  | 

آسیا جان

یاشاسین اوزگورلوک ، یاشاسین باغیمسیزلیک

 

 

آرامیزا قارلی داغلار قویدولار

حسرتین کوزو ایله یاندیم آسیا جان

کیتاب سیزلار قانیمیزا دویدولار

بیر داها گوره مم ساندیم آسیا جان

گئجه دن سونرا کی صاباحا شوکور

اوزگورلوک گئتیرن سیلاحا شوکور

بیزی قووشدوران اللها شوکور

آغلایا آغلایا دیندیم آسیا جان

سن محبوس دامیندا پارلایان اولدوز

من سنه قهر اولان چیله لی یالنیز

بیز اَت و دیرناغیز ، آیریلامایز

آه آسیا جان ییلارجا سنه یاندیم

آه آسیا جان من نئلره دایاندیم

آه آسیا جان اسارتین پنجه سینده

 دردلره عصیاندیم آسیا جان

سورولاجاق حسابیم وار هایدودا

یمینیم سازیما ، سیلاحا ، آتا

یئسه وی آتامدان دئدم قورقودا

سیبیریا دا کاچ کئره دوندوم آسیا جان

گئجه دن سونرا کی صاباحا شوکور

اوزگورلوک گتیرن سیلاحا شوکور

بیزی قووشدوران اللها شوکور

آغلایا آغلایا دیندیم آسیا جان

خزر دنیزینه بنزر گوزلرین

سوکوب آتامازلار قلبیمده یئرین

اوموتسوز آنیمدا دردیم کدریم

قیلینج لارا یول وئرمیش قیندیم آسیا جان

آه آسیا جان ییلارجا سنه یاندیم

آه آسیا جان من نئلره دایاندیم

آه آسیا جان اسارتین پنجه سینده

اسارتین پنجه سینده

 دردلره عصیاندیم آسیا جان

 

 

 

هایدود :   یول کئسن ، اوغورو ، یول هئرسیزی

قین : غلاف ، قیلینج قابی ، (غلاف شمشیر)

اوزگورلوک : آزادلیق


برچسب‌ها: شعر ترکی, شعر آذری
+ نوشته شده در  شنبه سی و یکم تیر 1391ساعت 13:14  توسط سینا  | 

... اولان بیلَر

... اولان بیلَر

 

ــــــــــــــــــــــــــــــــــــــــــــــــــــــــــــــــــــــــــــــــــــــــــ

 

میزانِ عشقیمی اورَگی  قان  اولان  بیلر

کُنجِ لَبوندَه  خالووَه  حیران  اؤلان  بیلَر

اندازه سین منیم غَم و درد و  مَلالیمین

هِجروندَه هَر گئجَه ایشی افغان اولان بیلَر

رنج و ملال و حسرتیمی اِی  فرشته خو

زُلفون سَیاقی حالی پریشان  اولان  بیلَر

پروانه نین اود ایچره یانوب ؛ دؤنمگین کولَه

شمعِ رُخوندا پیکری سوزان  اولان  بیلر

عاشق تؤکَندَه گؤز یاشی  بیگانه لَر گولَر

گؤز یاشینون بهاسینی؛گریان اولان بیلَر

قهرین دنیزلَرین؛ چوخی بیلمز نَه دور؛ ولی

گرداب ایچینده؛طُعمۀ طوفان اولان بیلر

حَسرتدی آغ گونه ؛ قره زلفه اسیر اولان

سِرّین ؛ اَسیرِ  طُرّۀ  جانان   اولان   بیلَر

عشق اَهلینون بلاده تحمُّل لی  اولماقین

سیلِ سرشگِ دیده سی عُمّان اولان بیلَر

ترسا   قیزی  نه  اِیلَدی  صَنعانِ  زاهدَه

واضحدی که بو مطلبی صَنعان اولان بیلَر

چَکدیردی قیسَه لیلی نَلَر ؛ بیلمَز هَر گَلَن

مجنون اولان ؛ مکانی  بیابان  اولان بیلَر

مصر ایچره ؛ یوسف عشقی زُلیخایَه نیلَدی

بیر سِرّیدور که یوسفِ کَنعان اولان بیلَر

نی تَک سیزیلدا یار فراقیندَه ((جعفری))

حالون ؛ او مستِ بادۀ عرفان اولان  بیلَر

ــــــــــــــــــــــــــــــــــــــــــــ

تهران ؛ قنات کوثر ؛ جُمعه 30/4/1391 ؛ جعفری زاویه


برچسب‌ها: شعر ترکی, شعر فارسی, شعر آذری
+ نوشته شده در  شنبه سی و یکم تیر 1391ساعت 9:56  توسط سینا  | 

... گَل

... گَل

 

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اورک قان اولدی هجروندن گَل اِی سَروِ رَوانیم گَل

سَنون عشقونله سیر اِیلور دامارلار ایچره قانیم گَل

سیزیلدیر بند بندیم نی کیمین اِی گُل فراقونده

چیخیر اَفلاکَه آه و ناله  و  داد و  فغانیم  گَل

گُمانیم سندن اؤزگه بیرکسه گَلمَز بو دنیاده

سَنه تَنها  گَلیر جانا  اُمید آدلی  گُمانیم ؛ گَل

دوشَر یادَه جمالون؛گُل گؤرَندَه باغ و گُلشندَه

او قَدری آغلارام اَلدن گئدَر تاب و توانیم گَل

منیم جسمیمده جانیمسان؛ اورکده میهمانیمسان

همی تاب و توانیمسان؛همی روح و روانیم؛گَل

دیلیم؛آغزیم؛گؤزوم سَنسَن؛گِئجَم سَن؛گوندوزوم سَنسَن

دانیشسام  هَر سؤزوم سَنسَن؛ منیم نطق و بیانیم گَل

آدون دیلده اولوب ازبر؛گؤزوم عشقونله یول گؤزلَر

منه رحم اِیله اِی دلبر ؛ آدی وِردِ  زَبانیم گَل

قُوایِ خمسَه تحلیلَه گئدور؛عُمروم قوتارماقدا

باشا گَلدی بَهاری عُمرومون چاتدی خزانیم گَل

عؤمورقورتارسادا؛امّا سنی من گؤرمَسم اُلسَم

اؤ دُنیادَه یاپیشماز ؛ گَر اولا جَنَّت مَکانیم؛گَل

آماندور قؤیما من ناکام اُلَم؛ سؤیلَه اوزون نیلیم؟

اُلَن لحظه دیلیم سَسلَنمَسون:اِی مهربانیم گَل

فراقون چوخلارین جانَه گَتوردی من کیمن؛رحُّم اِئت

قنوتیندَه  چوخی  اِیلَر  دُعا ؛ آرام  جانیم گَل

اورَک غملَن دولوبدور؛گؤزلَریم جامی سِرشکیلن

دیور بو حالتیلن جعفری : صاحب زمانیم گَل

ــــــــــــــــــــــــــــــــــــــــــــــ

تهران ؛ دوشنبه 19/4/1391 ؛ رجب جعفری زاویه


برچسب‌ها: شعر ترکی, شعر فارسی
+ نوشته شده در  شنبه سی و یکم تیر 1391ساعت 9:55  توسط سینا  | 

وخو گئتمز گؤزومه بیر گئجه سن سیز


گؤزلیم عاشیقینی سالما نظردن

حسرتیندن اؤلورم، گل بیزه هردن
سنه چوخدان وورولوب بو دلی کؤنلوم
نئیله ییم کی خبرین یوخدو خبردن

گل منه ناز ائله مه آی دلی جئیران
او قارا گؤزلرینه اولموشام حیران

 

بیر دؤنوب باخماق ایله جانیمی آلدین
منی مجنون ائله ییب چؤللره سالدین

من ایناندیم سنه، اؤز کؤنلومو وئردیم

منی آتدین گئدیب اغیار ایله قالدین

گل منه ناز ائله مه آی دلی جئیران
او قارا گؤزلرینه اولموشام حیران

 

سن گزیرسن گؤزلیم غیر ایله من سیز

یوخو گئتمز گؤزومه بیر گئجه سن سیز

اؤزون اینصاف ائله ای سئوگیلی دلبر

هانسی بولبول یاشایار باغ و چمن سیز؟

گل منه ناز ائله مه آی دلی جئیران
او قارا گؤزلرینه اولموشام حیران

 

شاعر : علی آغا واحد


برچسب‌ها: شعر ترکی, شعر آذری
+ نوشته شده در  شنبه سی و یکم تیر 1391ساعت 9:44  توسط سینا  | 

گئجه لر


دوت  اليمدن  بو  همان   الدي   فراقينده    سنون

                                                                ياديمه  سالماق  همان  باشه  چالارديم گئجه لر

حسن    رخساري     روياده     چکرديم      قلمه       

                                                                قلبيمي   قاب   ائليوب   قابه  سالارديم گئجه لر

بونا خاطر   کي   آدين   دوشميه   اغيار    الينه     

                                                               دوز  کيمي  آديوي  يازديقجا  يالارديم گئجه لر

بئله  سيزلاردي  اوره ک  يادينا  سالديقجا   سني     

                                                               قوش  کيمي يئرده دوشرديم چاپالارديم گئجه لر

بلکه سن ساغ ياشييب ساغ دولانيب ساغ گزه سن    

                                                               گوزه ليم  هر قادان  اولسايدي  آلارديم گئجه لر

سن   رقيبيمله   گونوز   سيره  چيخاردين   چمنه 

                                                                منده   عشقينده  سولارديم   سارالارديم گئجه لر

گوزلرين   ياديمه   دوشدوکجه   اسه ردي   بدنيم  

                                                                سينه مي  ديرناق   آتارديم   پارالارديم گئجه لر

تابلو   اوستونده   چکرديم   سني   مين   زحمتيلن 

                                                                بير باخيب اوستونه تئز رنگي جالارديم گئجه لر

ايندي ده گئتمه ليسن  گئت  دئموروم   من ده  گليم 

                                                                قاللام   اول   حالدا  کي  اولده  قالارديم گئجه لر

مکتب   عشقيده    مجنونئله     من    باهم    ايديم 

                                                                غم   ييغارديم   سينمه  غصه  قالارديم گئجه لر

مجنون   ئوز   عشقيني   ليلايه   گوره  بيلديردي

                                                                من  گونوز  يازديقيم  عشقي قارالارديم گئجه لر

 

شاعر: "هوشنگ جعفری"


برچسب‌ها: شعر ترکی, شعر آذری
+ نوشته شده در  شنبه سی و یکم تیر 1391ساعت 9:40  توسط سینا  | 

غریبه دیر


آراز آخير فرياد ائدير
كوره باخميش بالاجادير
اما يامان هاراي ليدير
هشيرليدير
آراز آخير جوشا- جوشا، داشا- داشا
قاققيلداشا- قاققيلداشا
سينه گرير گاه بو داشا، گاه او داشا

آراز آخير نريلده يه- نريلده يه
((من ده وارام، وارام!)) دئيه
آراز آخير، كوره چاتير
بيرله شيرلر
بوردا ايتير اونون آدي

سوندان سونا آخان چايا
كور دئديلر
آراز دئيه ن هئچ اولمادي
غريبه دير، غريبه دير!


برگرفته از وبلاگ : "بختیار وهاب زاده"


برچسب‌ها: شعر ترکی
+ نوشته شده در  شنبه سی و یکم تیر 1391ساعت 9:38  توسط سینا  | 

شعر/ آمد رمضان و آسمان آبی شد

شعر/ آمد رمضان و آسمان آبی شد

 

رضا اسماعیلی به مناسبت فرارسیدن ماه مبارک رمضان چند رباعی سروده است.

به گزارش جهان به نقل از فارس، رضا اسماعیلی با انگیزه فرارسیدن ماه مبارک رمضان چند رباعی سروده و برای انتشار در اختیار خبرگزاری فارس قرار داده است. رباعی‌های اسماعیلی به شرح زیر است:

1

آمد رمضان و آسمان آبی شد

شب‌های زمین ، دوباره مهتابی شد

هستی ، به نماز عاشقی قامت بست

عالَم ، غزل خجسته نابی شد

2

آمد رمضان و تا خدا ما را برد

تا چشمه روشن دعا ما را برد

ما را ز لباس عافیت عریان کرد

تا سبزترین ِ سجده‌ها ، ما را برد

3

آمد رمضان و کاش می‌دانستی

ای ُکشته آب و آش! می‌دانستی

دنیاست که می‌خورد تو را با شهوت

کاش ای دل آش و لاش! می‌دانستی

4

آمد رمضان و دست شیطان بسته ست

درهای زمین به روی انسان بسته ست

وقت ست ز سمت معصیت برگردی

چون راه گناه ، ای مسلمان بسته ست!

5

ماه رمضان و جان تو در خواب ست

رخوت زده‌ای ، جهان تو در خواب ست

هنگام سحر ، لبان جسمت بازست

اما دل شب نشان تو ، در خواب ست

6

ماه رمضان و سفره افطاری

هنگام سحر، َنفَس َنفَس ، بیداری

از روزه اگر همین َقدَر می‌فهمی

مصداق ریاضت است و خود آزاری!

7

ماه رمضان و روزه‌ای ... ؟  معلوم ست !

در حسرت آب و کوزه‌ای ! معلوم ست

بسته ست لب تنت ، ولی جانت نه

غم می‌خوری و ُرفوزه‌ای! معلوم ست

8

آمد رمضان، ز خواب غفلت برخیز

گل کرد سپیده سعادت، برخیز

بشکاف فلک را و چو حافظ ، سرمست

طرحی دگر انداز و ز عادت برخیز


برچسب‌ها: شعر ترکی, شعر فارسی
+ نوشته شده در  شنبه سی و یکم تیر 1391ساعت 9:31  توسط سینا  | 

در مذمت روزگار


جهان خالیست، من در گوشه زانم
مروت قحط شد، بی‌توشه زانم
اگر بودی چنان چون بود ازین پیش
بزرگی کو بدانستی کم از بیش
چرا بایستمی ده نامه گفتن؟
چو خامان درد دل با خامه گفتن؟
کی از ده نامه‌ای نامم برآید؟
ز هر بیهوده‌ای کامم بر آید؟
چو دریا پر گهر دارم ضمیری
ولی گوهر نمیجوید امیری
چون ماه از طبع من خود نور پاشد
نه او را مشتری باید که باشد؟
سخن را چون خریداری ندیدم
به از ترک سخن کاری ندیدم
خرد دورست ازین بیهوده گفتن
حدیث بوده و نابوده گفتن



شاعر: اوحدی مراغه ای


برچسب‌ها: شعر ترکی, شعر آذری
+ نوشته شده در  شنبه سی و یکم تیر 1391ساعت 9:29  توسط سینا  | 

قایێداق اووه‌ل کی خاطیره‌له‌ره

بۇ گۆن ده‌ن صاباحا اۇزانماسێن ال،

هله صاباحلارا باش وۇرمایاق گل،

نئجه یاشامێشێق میلیون ایل اووه‌ل،

گۆلـلـه‌ر شئهه باتسین، چیچه‌کله‌ر زره،

قایێداق اووه‌ل کی خاطیره‌له‌ره،

 

ایلک سئوگی چیچه‌یی هاردا آچیلیب،

کیمین چین گؤیه‌ریب چمه‌ن بیر اینجی،

سئودا یوْللارێنا جان آتان گؤزل،

نه سن بیر اینجی سن، نه من بیر اینجی،

آنالار نه قده‌ر اوْغۇللار دوْغۇب،

مجنون‌لار دوْغۇلوب بلکه مین کره،

قایێداق اووه‌ل کی خاطیره‌له‌ره،

 

شاعر: زلیم خان یعقوب


برچسب‌ها: شعر ترکی, آذری
ادامه مطلب
+ نوشته شده در  جمعه سی ام تیر 1391ساعت 18:22  توسط سینا  | 

مطالب قدیمی‌تر